لما تذاكر جامد ولا تنجحش ..... يبقى إنت أكيد فى مصر ! لما تتخرج ولا تشتغلش ..... يبقى إنت أكيد فى مصر ! لما تشتغل ولا تكسبش ..... يبقى إنت أكيد فى مصر ! لما تحب وتفشل....يبقى انتا اكيد فى مصر ! لما تخطب كده ولا تتجوزش ..... يبقى إنت أكيد فى مصر ! .....؟؟؟؟ عظيمه يا مصر يا ام الكوسه هو لسه فى كلام كتير بس انا تعبت من الكتابه اسيبكم تكملو انتو بقا الموضوع دة بس بلاش مبالغه(منقول من مدونة زمن الصمت)
في الواقع ش عارفه اصلا مين صاحب الفكره لاني لقيت البوست موجود في كثير من البلوجات
اكملك انا ياسيدي
لما تعمل بحث في الكليه وتديه لاستاذك تاخد رايه فيه ويضيعه ... يبقي انت اكيد في مصر
لما رقاصه ترقص في الشارع عريانه من غير ما حد من المسئولين يفتح بقه ...يبقي انت اكيد في مصر
لما الوزير يطلع يقولك الحجاب عوده للوراء ... يبقي انت اكيد في مصر
لما الوزير يقعد في منصبه عشرين سنه ... يبقي انت اكيد في مصر
لما البريء ما يتنصفش , والحرامي ما يتحاسبش ... يبقي انت اكيد في مصر
لما القطر يتاخر عن معاده بالاربع ساعات ..... يبقي انت اكيد في مصر
لماتشرب مية مجاري .... يبقي انت اكيد في مصر
لما تجيلك فاتورة التليفون بالالافات وانت اصلا مسافر بره البلد .... يبقي انت اكيد في مصر
لما تمشي في الشارع وكل شويه حد يقولك حاجه للاه يا بيه ... يبقي انت اكيد في مصر
لما الشوارع تبقي نظيفه ..والناس بتحترم خصوصيا بعض .. والشرطه تبقي في خدمة الشعب .. وكل حاجه تبقي ماشية بنظام ...... تبقي انت اكيد اكيد اكيد يعني مش في مصر
4 comments:
لما يتقالك هات بطاقتك وتروح امن الدولة عشان انت مربي لحيتك وبتزل تصلي في المسجد يبقي انت اكيد في مصر
لما يتقال عليك إرهابي ويتقال علي الارجوز إنه فنان ومبدع يبقي انت اكيد في مصر
حجات كتيرة اوي يا اختي الفاضلة
كتيرة اوي.....
حسبنا الله ونعم الوكيل في كل ظالم مفتري
جزاكي الله خيرا علي البوست
دنيا
ازيك ؟ متشكره علي مرورك الكريم
عاوزه اقولك اننا فعلا كلنا عارفين كده كل الناس عارفه كل حاجه حتي اناس الجهله اه والله
لكن هانعمل ايه ؟
ماحدش قادر يعمل حاجه ادينا بنبعبع وخلاص
ساعاتكتير باحاول اكون ايجابيه والله بس الواحد بيصطدم بالواقع خلاص ا عادش ينفع حد يعمل حاجه اصل الفساد لما بيستشري في مكان يبقي خلاص
هاقولك اقرب مثال موقف حصل معايا قريب
انا باحضر ما جستير في حقوق الانسان وكان موضوع البحث بتاعي عن اطفال الشوارع واديته لدكتور استاذي في الكليه اخد رايه فيه ولما رجعت طلبته منه قالي انه ضاااااع
يا سلاااااااام شفتوا الهنا اللي انا فيه
والمشكله انه حتي ما اعتذرش
فكرت اني اشتكيه للعميد او اي شيء من هذا القبيل لكن الجميع حذروني وقالولي انه مافيش فايده لانهم كلهم دكاتره مع بعض
وعوضك علي الله
وغيره وغيره وغيره مواقف كتيره قوي
يا بنتي مافيش فايده
انا عن نفسي باكتب عشان نا مبقوووووقه مش عشان الاقي حل لاه ما فيش حل لاي حاجه
يا صابر والله مش زعلانه انا قريت الكومنت بتاعك علي القصه ورديت عليك هناك
والله مش زعلانه
واضح انك ما قريتش ردي هناك كويس
مش بس مصر
الناس أصيبوا بالجنون يا سيدتي
والموازين انقلبت
Post a Comment