مش كفايه والنبي
التحرش الجماعي- سعار جنسي - ثورة الجياع اففففف بقي كفااااااااااااايه انتم ما صدقتم جنازه تشبعوا فيها لطم عااادي يا جماعه خليكم كوول كده بلاش العقد دي كفايه لت وعجن
بيقولك طب ماهو الشباب عنده كبت ومش لاقي يتجوز ياااحراااااااااااااام وخصوصا بقي لو بيشوفوا ميلودي واللاذي منه ده يبقي اشطه جداا
بس علي فكره بقي وزارة الداخليه يا جماعه مش غلطانه صحيح دي ايام عيد والمنطقه حيويه جدا والمفروض ان التواجد الامني يكو ن مكثف لكن اهوه اللي حصل بقي خليييك كوووووووووووول
بلاش تعقد الامور وتديها اكبر من حجمها بلاش تهوييل
وبعدين بيقولك ما حدش قدم بلاغااات والنبي رد منطقي وجميييييييييل يخليك تمشي 
فالشارع وانت حاسس بالاماااان ربنااااا يخليك ليه يا وزير الداخليه يا سبعي ياللي محسسني بالامن وامان ياحبييييييييييييييييييييييييييييييييييبي
فالشارع وانت حاسس بالاماااان ربنااااا يخليك ليه يا وزير الداخليه يا سبعي ياللي محسسني بالامن وامان ياحبييييييييييييييييييييييييييييييييييبيوزارة الداخليه دي مظلووووووووووووووووووووووووووومه دايما يا جماااعه ماتبقووو ش ظلمه وتفترواعليها بطلوا افترا بقي
وبعدين ما البنات هي الغلطانه برده ايه اللي يخرجهم من البيت اساسااا فالعيد ولا حتي في غير العيد
حتي لوكانت مع ابوهاا اواخوها او جوزها او خطيبها (احنا شفنا طبعا ان غالبية اللي تم التحرش بيهم كانوا ماشيين مع رجالتهم
وبعدين ما راحوش ليه بقي يقدموا بلاغات يعني هو صحيح كانت نفسيتهم منهاره وحالتهم صعبه جدا وغالبيتهم جالهم انهيار عصبي بس لا المفروض يعني كانو يقدموا بلااغ اول ماحصل الللي حصل وبعدين ينهاروا براحتهم ويا سلام لو البت من دول قفشتلها واحد ولا اتنين وقدمتهم بقي للبوليس اه بصراحه المفروض كده هي الوزاره هاتشم علي ظهر ايدها
افففف منكم عالم معقده
متهيالي ان ده ممكن يبقي نوع من الفلكلور السنوي (لاحظ ان دي مش اول سنه يحصل فيها اللي حصل وان كان السنادي حصل بشكل ابشع) علي راي احد المدونين يعني الشباب يفضل ماسك نفسه طول الشهر الكريم وبعدين في العيد بقي يعملوا حفلة تحرش جماااعي واااااااو
No comments:
Post a Comment