مصر محتاجاااااااااااالك يا فاااااااااروق

النهارده صحيت بدري ما كانش جايلي نووم ومش ورايا حاجه خالص قلت اعمل ايه مالقتش حاجه اعملها
خفت اتفرج عالتلفيزيون اصطدم بخبر كده ولا كده وانا مش ناقصه انا عندي اوكتوئااب طبيعي الحكاية مش ناقصه
قلت اشوف بلوجي حبيبي عامل ايه وللاسف ان عندي شريط اخبار اول ما اخش عالنت يفتح اوتوماتيك وبنظره لا اراديه تقع عيني علي خبر يقووول " فاروق حسني : الحجاب عودة إلى الوراء!"
رككززززززززززززززززززوااا معايا والنبي

الخبر منشور ايضا في جريدة المصري اليوم http://www.almasry-alyoum.com/article.aspx?ArticleID=37333
فاروق حسني وزير الثقافه المصري المصررري سيادتك مش الامريكاني ولا الفرنساوي ولا الدنماركي المصري
ياخبررر اسود يا نهار مدووحس
لا حول ولا قوة الا بالله
روقه " فاروق" مش محتاج طبعا اننانتكلم عنه لانه انسان حبووووب قوي وانجازاته العظيمه هي التي تتحدث عنه وافكاره النيره تدل انه الرجل المنااسب فالمكان المناسب فمن المتحف المصري الذي سرقت منه القطع الأثرية وكأنها كانت موضوعة على فرشة في حارة شعبية ، إلى محرقة بني سويف التي راح فيها 50 من أجمل فناني المسرح ونقاده ، ثم "الشو الاستقالي" الذي قام به..و"مصر محتاجاك يافاروق!"، فلم يستطع الرجل أن يقاوم نداء مصر فأرتضى أن يقعد على نفسنا لسنوات جديدة تضاف إلى السبعة عشرة عاما التي قضاهم اصلا- ليصل الان الي ما يقرب من عشرين سنه وهو رقم قياسي لم يتحقق لوزير اخر علي ما اعتقد .


من ضمن كلام "روقه" «النساء بشعرهن الجميل كالورود، التي لا يجب تغطيتها وحجبها عن الناس». وأضاف: «..والدين الآن أصبح مرتبطاً بالمظاهر فقط، رغم أن العلاقة الإيمانية بين العبد وربه، لا ترتبط بالملابس
وقال: «لابد أن تعود مصر جميلة كما كانت، وتتوقف عن تقليد العرب الذين كانوا يعتبرون مصر في وقت من الأوقات قطعة من أوروبا». واستطرد: «نحن عاصرنا أمهاتنا وتربينا وتعلمنا علي أيديهن، عندما كن يذهبن للجامعات والعمل دون حجاب، فلماذا نعود الآن إلي الوراء؟!».
خليكم كوووووووووووووووووول

اوعي حد يتدايق ده كلام فله قوي وبلا حجاب بلا عقد اصل الحجاب ده هو اللي مرجعنا لورا اااااه ماتفتكرش ان اللي مرجعنا لورا هو قلة الضمير والكبار اللي عمالين يمصوا في دم الغلابه ولا النظام ولا التغرب والتقليد الاعمي للغرب ولا الفساد اللي مستشري في كل مكاان ولا تزوير الانتخابات ولا الرشوه ولا المحسوبيه ولا الواسطه ولا البطاله ولا فلوس البنوك اللي اتنهبت لا ولا الفجور ولا التسيب اللي يخلي رقاصه ترقص في الشارع عريانه من غير ما حد من الساده المسئولين يتكلم ولا الروايات المشبوهه اللي بتنشرها وزاره الثقافه علي حسلب الشعب وتروج لافكار شاذه ولا تتفق مع القيم والتقاليد ولا الافلام البذيئه والعري كل ده مش سببب التخلف اللي احنا فيه الحجاااااااااااااب هو السبب اقولك كمان حاجه... الحجاب هو السبب في كارثة العباره كمان ااااااااااه امال انت فاكر ايه وهو كمان السبب في حوادث القطارات وارتفاع الاسعاروفي الفقر والجهل اللي احنا فيه هو السببب في دخول المبيدات المسرطنه هو السببب في كل حاجه كلامك صحيح ياباشا
احنا عالم معقدين
احنا نصدر قانون بمنع الحجاب دي اول خطوه عشان مصر ترجع جميله زي زمان ويبقيلينا الرياده سيادتك واي واحده تفكر تغطي شعرها انا رايي ان احنا نعدمها لانها بهذا الفعل المشين تبقي بتشوه صورة مصر
وكان الاخوان قد تقدموا عقب تلك التصريحات ببيان عاجل يطالبون فيه باقالة الوزير http://www.saveegyptfront.org/news/?c=170&a=5832
اعتقد كده انه هايحصل شو جديد زي الشو الاولاني فيخرج علينا بعض المثقفين( ولاحظ كلمة مثقفين دي يدخل فيها سيادتك الراقصات والفنانات يعني سيادتك دينا وروبي زيهم زي انيس منصور ومصطفي محمود ) ويقولك لا ياروقه احنا عايزينك ما نقدرش نعيش من غيرك عشان كده باقولك يا روقه خليك واوعي تسيبنا احنا محتاجينك قوي قوي.... ياراجل ده انت مالحقتش وبعدين يعني هي جات عليك