مانيش عايزه خلاص حاجه ولا محتاجه
مافيش حاجه ولو عايزه بصحيح حاجه ماخلتوليش ولا حاجه
عموما بصوا فيه حاجه
هاقولها بس محتاجه
عقول تفهم ولو حاجه ماهيش مفهومه ولا حاجه
نفسرها بكام حاجه
نوضحها بكام حاجه
واهي حاجه مع حاجه هاتظهر وتبانلنا حاجه
وانا مابخافش من حاجه
مانيش مسنوده ولاحاجه
لكن ما بخفش من حاجه
لكن فرضا لو هاقول حاجه
هايحصل ايه؟.. ولا حاجه
هايعملوا ايه ؟... ولا حاجه
وبعد الشر بعد الشر لو واحد من القاعدين من السامعين من الضالين فهم حاجه
ها يعملوا ايه؟ اكيد برضه ولا حاجه
فنتوكل علي الستارلوجه الله نقول حاجه.............
فيه ناس بتعيش عشان... حاجه
وناس بتموت عشان... حاجه
وناس بتموت علي.... الحاجه
وناس تديلك الحاجه وتبقي ليها محتاجه
وناس تديلك الحاجه تاخد قدامها ميت حاجه
وناس تكبر تكون ...حاجه
وناس تصغر عشان.... حاجه
وناس منظر ومش حاجه
وتلقي كبير .. حرس ونفير ..عليه منظر ...وهو جبان وشيخ منصر ولا يبانشي عليه حاجه
كلامي يا خلق فيه حاجه؟
لحد دلوقتي فيه حاجه؟
كلام عادي بسيط جدا ولافيهش ولا حاجه
مانا ماقدرش اقول حاجه
صحيح نفسي اقول حاجه وميت حاجه
بس مش قادره اقول حاجه
لاني لو هاقول حاجه
هاييجوناس بتوع حاجه
وياخدوني ورا الحاجه
وهو لو سمع حاجه
هايعملوهالي ميت حاجه
عموما بصوا لو واحد من القاعدين عاوزني ابلغه بحاجه
يقول مايخافش من حاجه
نعم فيه ايه؟؟ ..لا لا مافيش سرقه ولا تهريب ولا تهليب ولا حاجه
نعم فيه ايه ؟؟ ... مصمصوا ايه ؟؟ خصخصوا ايه؟؟..ده كله كلام مافيش حاجه
قضية ايه؟؟؟... ياشيخ روح خلاص.. مافيش حاجه
حرامي ايه ؟؟ لكح ايه؟؟ وهربوا ايه؟؟؟ ...شفافية ومافيش حاجه
وبتقول ايه ؟؟ لا لا عيييب لافيه تدليس ولا ترقيص ولا تدبيس ولا حاجه
سمعمع هوووس.. انا حاسه ان فيه حاجه
دقيقه سكات لاتبقي حداد انا حاسه ان فيه حاجه
زمانكو ياخلق فيه حاجه
ولازمه كام وميت حاجه
ده لو يعني اذاكان فيه حاجه
انا عن نفسي مش حاسه ولا بحاجه
ولا مدايقه ولا حاجه
سعاتك برضه مش زيي مافيش حاجه؟
اهه بيقول مافيش حاجه
جنابك برضه مش زيه عشان زيي مافيش حاجه؟
اهه بيضحك ويقول مافيش حاجه
مانا قلتلكو من الاول مافيش حاجه
علية النعمه يا خوانا مافيه حاجه
ورحمة ابويا ويا ابوك علي اللي جابوك ما فيه حاجه
وعهد الله وعهد الله وعهدالله ما خلولنا ولا حاجه
وباقولك ايه ؟؟؟ خلاص خلص ..وفركش ياللا يااخونا
******************************
مافيش حاجه ولو عايزه بصحيح حاجه ماخلتوليش ولا حاجه
عموما بصوا فيه حاجه
هاقولها بس محتاجه
عقول تفهم ولو حاجه ماهيش مفهومه ولا حاجه
نفسرها بكام حاجه
نوضحها بكام حاجه
واهي حاجه مع حاجه هاتظهر وتبانلنا حاجه
وانا مابخافش من حاجه
مانيش مسنوده ولاحاجه
لكن ما بخفش من حاجه
لكن فرضا لو هاقول حاجه
هايحصل ايه؟.. ولا حاجه
هايعملوا ايه ؟... ولا حاجه
وبعد الشر بعد الشر لو واحد من القاعدين من السامعين من الضالين فهم حاجه
ها يعملوا ايه؟ اكيد برضه ولا حاجه
فنتوكل علي الستارلوجه الله نقول حاجه.............
فيه ناس بتعيش عشان... حاجه
وناس بتموت عشان... حاجه
وناس بتموت علي.... الحاجه
وناس تديلك الحاجه وتبقي ليها محتاجه
وناس تديلك الحاجه تاخد قدامها ميت حاجه
وناس تكبر تكون ...حاجه
وناس تصغر عشان.... حاجه
وناس منظر ومش حاجه
وتلقي كبير .. حرس ونفير ..عليه منظر ...وهو جبان وشيخ منصر ولا يبانشي عليه حاجه
كلامي يا خلق فيه حاجه؟
لحد دلوقتي فيه حاجه؟
كلام عادي بسيط جدا ولافيهش ولا حاجه
مانا ماقدرش اقول حاجه
صحيح نفسي اقول حاجه وميت حاجه
بس مش قادره اقول حاجه
لاني لو هاقول حاجه
هاييجوناس بتوع حاجه
وياخدوني ورا الحاجه
وهو لو سمع حاجه
هايعملوهالي ميت حاجه
عموما بصوا لو واحد من القاعدين عاوزني ابلغه بحاجه
يقول مايخافش من حاجه
نعم فيه ايه؟؟ ..لا لا مافيش سرقه ولا تهريب ولا تهليب ولا حاجه
نعم فيه ايه ؟؟ ... مصمصوا ايه ؟؟ خصخصوا ايه؟؟..ده كله كلام مافيش حاجه
قضية ايه؟؟؟... ياشيخ روح خلاص.. مافيش حاجه
حرامي ايه ؟؟ لكح ايه؟؟ وهربوا ايه؟؟؟ ...شفافية ومافيش حاجه
وبتقول ايه ؟؟ لا لا عيييب لافيه تدليس ولا ترقيص ولا تدبيس ولا حاجه
سمعمع هوووس.. انا حاسه ان فيه حاجه
دقيقه سكات لاتبقي حداد انا حاسه ان فيه حاجه
زمانكو ياخلق فيه حاجه
ولازمه كام وميت حاجه
ده لو يعني اذاكان فيه حاجه
انا عن نفسي مش حاسه ولا بحاجه
ولا مدايقه ولا حاجه
سعاتك برضه مش زيي مافيش حاجه؟
اهه بيقول مافيش حاجه
جنابك برضه مش زيه عشان زيي مافيش حاجه؟
اهه بيضحك ويقول مافيش حاجه
مانا قلتلكو من الاول مافيش حاجه
علية النعمه يا خوانا مافيه حاجه
ورحمة ابويا ويا ابوك علي اللي جابوك ما فيه حاجه
وعهد الله وعهد الله وعهدالله ما خلولنا ولا حاجه
وباقولك ايه ؟؟؟ خلاص خلص ..وفركش ياللا يااخونا
******************************
2 comments:
عليا النعمة فيه حاجة
دماغ جامدة ..وقلب يحس بالحاجة
عيونك حرة لو شافت ورا الحاجة
وقلبك حى لو ينبض عشان حاجة
ولو قالو فى يوم الظلم مش حاجة
تقولى انتى ظلمتونا وجوعتونا من الحاجة
وناس عاشت وناس ماتت من الحاجة
وناس فى البنك بتكنز ميتين حاجة
وناس من التلج بتصيف فى تلاجة
تيجى انتى وتصرخى تقولى ده فيه حاجة
وناس تانية تقول لأه مفيش حاجة
مفيش ظلم ولا تهليب ولا حاجة
مفيش سرقة ولا تهريب ولا حاجة
مفيش تهليس ..مفيش توريث ..مفيش حاجة
مفيش تفعيص فى خلق الله ولا حاجة
نموت احنا ميتين مرة ولا حاجة
وامن الدولة يسحلنا ولا حاجة
وفى المجلس يقولو احنا ولا حاجة
نسيح احنا ف بلاد الله ورا حاجة
ولا بنطوول فى يوم حاجة
بلاش اشتم ..بلاش اش....ولا حاجة
اموت احسن ..واروح زى اللى مش حاجة
منا وانتى فى زمن اسود من الحاجة
حرام حتى اقول مرة فى يوم حاجة
انا ماشى هحط فى بقى ميت حاجة
وطظين يا بلدنا فى اللى يقول حاجة
متشكره اوي ي جماعه علي الزياره
والاهتمام
بس احب الفت نظركم ان الكلام ده مش تاليفي
وبجد يا احمد تعليقك تحفه ودماغك عاليه بجد
Post a Comment